CoMorPD

Parkison-en gaixotasunaren ikerketaren eremuan zientzia ibilbide luzea duten bi laborategiren arteko lankidetza emankor eta iraunkorra finkatzearen ondorioz sortu da CoMorPD LTCa. LTC honek helburu zientifiko bat ez ezik, helburu akademiko bat ere badu. Ikuspegi zientifikotik, Parkinson-en gaixotasunaren konplikazio ez-motorrak aztertzen ditu, eta nukleo linbikoen eta gongoil basalen arteko interakzioan jartzen du arreta, maila etiologiko eta terapeutikoan.

CoMorPD LTCak honako helburu hauek ditu: 

1. - Gaixotasunaren kausak identifikatzea.

2.- Neurona zirkuituen komunikazioan zer-nolako eragina duen ebaluatzea.

3.- Kontzeptu probak ematea terapeutika hobetzeko. Ikuspegi horrek bi laborategien esperientzia batzen du; bi laborategiok bikain egokitzen zaizkio elkarri, arlo zientifiko eta metodologikoan elkarren osagarri baitira.

Gai zientifikoak alde batera utzita, LTC honek bi unibertsitateen arteko sare dinamiko bat sortzen lagunduko du; hala bada, ikasleen eta ikertzaileen mugikortasuna eta jarduera akademikoetan –irakaskuntzan, kasu– parte har dezaten lagunduko du. CoMorPD LTCak helburu hau du, halaber: profesional klinikoekin eta bazkide industrialekin lankidetza sustatzea, biomarkatzaileak identifikatzeko eta Parkinson-en gaixotasunaren diagnostiko goiztiarra proposatzeko.